काठमाडौं । पर्सा क्षेत्र नं. २ का प्रतिनिधि सभा सदस्यका उम्मेदवार मनोज कुमार चौधरी सवार गाडीबाट शंकास्पद वस्तु फेला परेपछि सुरक्षाकर्मीले उनलाई नियन्त्रणमा लिएका छन।
बरहनियार चोकमा नियमित जाँचका क्रममा प्रहरी, नेपाली सेना र सशस्त्र प्रहरी बल नेपालको संयुक्त टोलीले बा १० च १२५० नम्बरको रातो कार रोकी जाँच गर्दा बमजस्तो देखिने चार वटा पोका बरामद गरेको हो।
उम्मेदवार चौधरीसहित सत्यनारायण दास, सुरज कार्की र चालक गरी चार जनालाई नियन्त्रणमा लिइएको छ। गाडी नेपाली सेनाको नियन्त्रणमा राखिएको छ भने व्यक्तिहरूलाई प्रहरी निगरानीमा राखी थप अनुसन्धान अघि बढाइएको छ। घटनासम्बन्धी विस्तृत विवरण आउन बाँकी रहेको छ।
प्रकाशित मिति: २० फाल्गुन २०८२, बुधबार
प्रतिक्रिया