काठमाडौँ । पर्साको पर्सागढी नगरपालिका–३ बडनियार बजार क्षेत्रमा प्रतिनिधिसभा सदस्य उम्मेदवार सवार गाडीबाट शंकास्पद सामग्री बरामद भएको छ।
हरपुरबाट बडनियारतर्फ जाँदै गरेको बा.१० च १२५० नम्बरको गाडी सशस्त्र प्रहरीले रोकी जाँच गर्दा बम बनाउन प्रयोग हुने टेपले बेरिएको टिन, तार लगायतका सामग्री फेला परेको जिल्ला प्रहरी कार्यालय पर्साका एक अधिकृतले जानकारी दिएका छन्। उक्त गाडी पर्सा–२ का उम्मेदवार ४६ वर्षीय मनोज कुमार चौधरीको भएको बताइएको छ।
घटनापछि गाडी चालक २६ वर्षीय सहाब आलम अन्सारी, धनुषा घर भएका ३० वर्षीय सुरज कार्की तथा पर्सागढी–बिरुवाटोल निवासी ६८ वर्षीय सत्यनारायण थारुलाई प्रहरीले नियन्त्रणमा लिएको छ। उम्मेदवार चौधरीलाई पनि प्रहरी निगरानीमा राखिएको छ।
घटनासम्बन्धी थप अनुसन्धान जिल्ला प्रहरी कार्यालय पर्साले गरिरहेको जनाएको छ।
प्रकाशित मिति: २० फाल्गुन २०८२, बुधबार
प्रतिक्रिया