काठमाडौं। नेपाली कांग्रेसका सभापति तथा सर्लाही–४ बाट प्रतिनिधिसभा सदस्यका उम्मेदवार गगनकुमार थापाले आफ्नो मताधिकार प्रयोग गरेका छन् ।
थापाले आज बिहान काठमाडौंको मैतीदेवी मन्दिरस्थित मतदान केन्द्रमा पुगेर मतदान गरेका हुन् । निर्वाचनको दिन बिहानै मतदान केन्द्र पुगेर मत खसालेपछि उनले शान्तिपूर्ण तथा उत्साहजनक रूपमा निर्वाचन भइरहेको बताएका छन् ।
फागुन २१ गते हुने यो प्रतिनिधिसभा सदस्य निर्वाचनमा थापा सर्लाही–४ बाट मुख्य प्रतिस्पर्धीका रूपमा रहेका छन् । उनको उम्मेदवारीपछि सर्लाही–४ चुनावी मैदानको प्रमुख केन्द्रबिन्दु बनेको छ । थापाले मतदानपछि मतदातालाई धन्यवाद ज्ञापन गर्दै स्वच्छ र निष्पक्ष निर्वाचनमा सहभागी हुन आग्रह गरेका छन् ।
देशभर मतदान जारी छ । प्रारम्भिक जानकारीअनुसार मतदान केन्द्रहरूमा मतदाताको राम्रो उपस्थिति रहेको छ । सुरक्षा व्यवस्था कडा पारिएको छ र निर्वाचन शान्तिपूर्ण रूपमा सञ्चालन भइरहेको प्रहरी तथा निर्वाचन आयोगले जनाएको छ ।
प्रकाशित मिति: २१ फाल्गुन २०८२, बिहिबार
प्रतिक्रिया