काठमाडौं । राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र साह (बालेन) आज झापा नजाने भएका छन्।
बिहान उनलाई लिएर झापातर्फ उडेको हेलिकोप्टर सुरक्षा चुनौती देखिएको भन्दै बीचबाटै काठमाडौं फर्काइएको थियो।
बालेनको सचिवालयका अनुसार उनी आज काठमाडौंमै रहनेछन् भने भोलि बिहान झापा जाने कार्यक्रम तय गरिएको छ। उनका निकट सहयोगी कुमार बेनका अनुसार बालेन भोलि कुन माध्यमबाट झापा जाने भन्ने विषयमा भने अहिलेसम्म टुंगो लागेको छैन।
रास्वपाबाट झापा–५ मा प्रतिनिधिसभा सदस्यका उम्मेदवार रहेका बालेन पूर्वप्रधानमन्त्री केपी शर्मा ओलीका प्रतिस्पर्धी हुन्।
प्रकाशित मिति: २१ फाल्गुन २०८२, बिहिबार
प्रतिक्रिया