काठमाडौं । रौतहटमा अर्कै व्यक्तिको नाममा मतदान गर्न खोज्ने एक पुरुषलाई प्रहरीले पक्राउ गरेको छ। बिहीबार बिहान करिब साढे ११ बजे राजपुर नगरपालिका–९ बैरिया का १८ वर्षीय अरजे हयात बैरियालाई प्रहरीले नियन्त्रणमा लिएको हो।
प्रहरीका अनुसार उनी बैरिया अनाथालय मतदान स्थल मा बस्ने महमद आसिकको नाममा मतदान गर्न लाइनमा बसेका थिए। लाइनमै बसेको अवस्थामा प्रहरीले उनलाई पक्राउ गरेको हो। हाल उनलाई इप्रका राजपुर पठाइएको छ।
त्यसैगरी, अर्काको नाममा मतदान गर्न लाइनमा बसेकी नुजमा बेगमलाई पनि प्रहरीले नियन्त्रणमा लिएको थियो। तर उनी बेहोस भएपछि उपचारका लागि आफन्तको जिम्मामा छाडिएको प्रहरीले जनाएको छ।
प्रकाशित मिति: २१ फाल्गुन २०८२, बिहिबार
प्रतिक्रिया