काठमाडौं । नुवाकोट–१ मा प्रतिनिधिसभा सदस्य निर्वाचनमा पूर्वअर्थमन्त्री तथा नेपाली कांग्रेसका उम्मेदवार डा. प्रकाशशरण महतले अग्रता लिएका छन्। पछिल्लो मत अपडेटअनुसार उनले ७ हजार ६२६ मत प्राप्त गरी अग्रता कायम गरेका छन्।
यसअघि यस क्षेत्रमा अग्रता लिएका राष्ट्रिय स्वतन्त्र पार्टी (रास्वपा) का उम्मेदवार विक्रम तिमिल्सिनाले ७ हजार ४३ मत प्राप्त गर्दै दोस्रो स्थानमा झरेका छन्।
नेपाली कम्युनिस्ट पार्टी (नेकपा) का हितबहादुर तामाङ ५ हजार ७३७ मतसहित तेस्रो स्थानमा छन् भने नेकपा (एमाले) का बद्री मैनाली ३ हजार ४०४ मतसहित चौथो स्थानमा रहेका छन्।
त्यस्तै, उज्यालो नेपाल पार्टीका अमित तामाङले १ हजार २५४ मत प्राप्त गरेका छन्। यसैगरी नुवाकोट–१ मा प्रतिस्पर्धा निकै नजिक छ।
प्रकाशित मिति: २३ फाल्गुन २०८२, शनिबार
प्रतिक्रिया