काठमाडौं । नेपाली कांग्रेसका सभापति गगनकुमार थापा प्रतिनिधिसभा निर्वाचनमा पराजित भएका छन्।
काठमाडौं–४ बाट लगातार तीन पटक चुनाव जितेका थापा यसपटक मधेसको सर्लाही–४ बाट उम्मेदवार बनेका थिए। तर उनी राष्ट्रिय स्वतन्त्र पार्टी (रास्वपा)का अमरेश कुमार सिंहसँग १२ हजार ८५७ मतान्तरले पराजित भएका हुन्।
अन्तिम मत परिणाम अनुसार अमरेश कुमार सिंहले ३५ हजार ६८८ मत प्राप्त गर्दा गगनकुमार थापाले २२ हजार ८३१ मत ल्याएका छन्।
यस हारसँगै कांग्रेस सभापति थापाको संसद यात्रा यसपटकका लागि रोकिएको छ।
प्रकाशित मिति: २४ फाल्गुन २०८२, आइतबार
प्रतिक्रिया