सुनसरी । सुनसरी–१ मा प्रतिनिधिसभा सदस्यतर्फको मतगणनामा हर्क साम्पाङले अग्रता कायम गरेका छन्। श्रम संस्कृति पार्टीका उम्मेदवार साम्पाङले हालसम्मको मतगणनामा उल्लेख्य मतान्तरसहित अघि बढिरहेका हुन्।
७३ हजार ८५१ मत गणना भइसक्दा साम्पाङले ३३ हजार ५६५ मत प्राप्त गरेका छन्। उनका निकटतम प्रतिस्पर्धी राष्ट्रिय स्वतन्त्र पार्टीकी उम्मेदवार शरिन गोमा तामाङले २० हजार २३७ मत प्राप्त गरेकी छन्। यससँगै साम्पाङले तामाङभन्दा १३ हजार ३२८ मतले अग्रता बनाएका छन्।
त्यसैगरी नेपाल कम्युनिस्ट पार्टीका उम्मेदवार सूर्यबहादुर भट्टराईले ५ हजार ५८९ मत प्राप्त गरेका छन्।
सुनसरी–१ मा मतगणना जारी रहेकाले अन्तिम परिणाम आउन अझै समय लाग्ने निर्वाचन अधिकारीहरूले बताएका छन्।
प्रकाशित मिति: २४ फाल्गुन २०८२, आइतबार
प्रतिक्रिया