काठमाडौं। समाचार एजेन्सी रोयटर्स र एएफपीका अनुसार इराकको राजधानी बगदादस्थित अमेरिकी दूतावास मा ड्रोन र रकेट आक्रमण गरिएको छ।
इराकी सुरक्षा स्रोतहरूले एएफपीलाई दिएको जानकारीअनुसार यो हालका दिनहरूमा भएको सबैभन्दा ठूलो आक्रमणमध्ये एक हो।
आक्रमण हुनुभन्दा करिब छ घण्टा अघि अमेरिकी दूतावास ले इराकमा रहेका अमेरिकी नागरिकहरूका लागि नयाँ सुरक्षा सतर्कता जारी गरेको थियो।
उक्त चेतावनीमा “इरानसँग सम्बन्धित आतंकवादी मिलिशियाहरूले मध्य बगदादको अन्तर्राष्ट्रिय क्षेत्रमा बारम्बार आक्रमण गरिरहेका छन्” भन्ने उल्लेख गरिएको थियो।
यसअघि गत हप्ताको सुरुमा पनि बगदादस्थित अमेरिकी दूतावासमाथि आक्रमण भएको थियो।
प्रकाशित मिति: ३ चैत्र २०८२, मंगलबार
प्रतिक्रिया