काठमाडौँ । राष्ट्रिय स्वतन्त्र पार्टी (रास्वपा)ले नव निर्वाचित सांसदहरूका लागि आयोजना गरेको दुईदिने आवासीय अभिमुखीकरण कार्यक्रम अन्तर्गत आज सभापति रवि लामिछाने ले सम्बोधन गर्ने भएका छन्।
ललितपुरको ग्वार्कोस्थित होटल रोयल टुलिपमा मंगलबार उपसभापतिद्वय स्वर्णिम वाग्ले र डीपी अर्यालले कार्यक्रमको उद्घाटन गरेका थिए। अभिमुखीकरणको पहिलो दिन सभापति लामिछाने र वरिष्ठ नेता बालेन्द्र शाह सहभागी भएका थिएनन्।
महामन्त्री कवीन्द्र बुर्लाकोटीका अनुसार सभापति लामिछाने र वरिष्ठ नेता बालेन शाह आजको समापन समारोहमा सहभागी हुने अपेक्षा गरिएको छ।
उपसभापति अर्यालले शुभकामना मन्तव्य दिँदै सम्भव भएसम्म दुवै नेता बुधबारको कार्यक्रममा उपस्थित हुने जानकारी दिए। यद्यपि, रास्वपाले सार्वजनिक गरेको तालिकामा बुधबार सभापति लामिछानेको सहभागिता उल्लेख भए पनि शाहको उपस्थितिबारे स्पष्ट खुलाइएको छैन।
प्रकाशित मिति: ४ चैत्र २०८२, बुधबार
प्रतिक्रिया