काठमाडौं । प्रहरी महानिरीक्षक दानबहादुर कार्कीले सुर्खेतमा भएको इनिशा विक हत्या प्रकरणमा तथ्य र प्रमाणको आधारमा अनुसन्धान भइरहेको बताएका छन्।
अन्तर्राष्ट्रिय जाति तथा रंगभेद उन्मूलन दिवसको अवसरमा शनिबार काठमाडौँमा आयोजित कार्यक्रममा बोल्दै कार्कीले घटनामा कानुनको पूर्ण पालनासहित निष्पक्ष अनुसन्धान भइरहेको जानकारी दिए।
उनले पीडित परिवारसँग निरन्तर सम्पर्कमा रहेको बताए र दोषीलाई कानुनी रूपमा कारबाही गरी न्याय सुनिश्चित गरिने प्रतिबद्धता व्यक्त गरे। अनुसन्धानका लागि पर्याप्त स्रोत परिचालन गरिएको भन्दै छिट्टै प्रकरणको निष्कर्ष सार्वजनिक हुने उनले बताए।
त्यस्तै, कार्कीले सबै नागरिकले बराबर हक–अधिकार पाउनुपर्ने र सबै प्रकारको विभेदका विरुद्ध कानुन बमोजिम कडा कदम चालिने पनि स्पष्ट पारे।
प्रकाशित मिति: ७ चैत्र २०८२, शनिबार
प्रतिक्रिया