काठमाडौं। राष्ट्रिय स्वतन्त्र पार्टी (रास्वपा) का सभापति तथा पूर्व गृहमन्त्री रवि लामिछानेले आज काठमाडौं जिल्ला अदालत पुगेर तारेख बुझेका छन् ।
उनी आइतबार बिहान अदालत पुगेका थिए । कालीमाटीस्थित स्वर्णलक्ष्मी सहकारी ठगी प्रकरणमा लामिछानेमाथि मुद्दा चलिरहेको छ र सोही मुद्दामा आज उनले तारेख बुझेका बताइएको छ ।
यसैबीच, लामिछानेको संगठित अपराध र सम्पत्ति शुद्धीकरण कसुर सम्बन्धी महान्यायाधिवक्ताको निर्णयविरुद्ध परेको रिटमा आज उच्च अदालतमा सुनुवाई हुँदैछ । उक्त रिटमा आजै फैसला आउन सक्ने सम्भावना रहेको छ । यो मुद्दा न्यायाधीश विनोद शर्मा र अव्दुल अजीज मुसलमानको संयुक्त इजलासमा परेको छ ।
प्रकाशित मिति: १५ चैत्र २०८२, आइतबार
प्रतिक्रिया