काठमाडौं । पूर्वयुवराज पारस शाहलाई बिहीबार बिहान थापाथलीस्थित नर्भिक अन्तर्राष्ट्रिय अस्पतालमा भर्ना गरिएको छ।
अस्पताल स्रोतका अनुसार उनलाई नियमित स्वास्थ्य परीक्षणका साथै मुटुसम्बन्धी उपकरण ‘पेसमेकर’ परिवर्तन गर्नका लागि अस्पताल ल्याइएको हो।
बिहानै अस्पताल भर्ना गरिएका शाहको आवश्यक स्वास्थ्य जाँच भइरहेको जनाइएको छ।
उनीलाई भोलि डिस्चार्ज गर्ने तयारी गरिएको अस्पताल स्रोतले जनाएको छ।
प्रकाशित मिति: १९ चैत्र २०८२, बिहिबार
प्रतिक्रिया