काठमाडौं। सर्वोच्च अदालतले शैक्षिक सत्र सुरु नभई विद्यार्थी भर्ना नगर्न सरकार तथा सम्बन्धित सरोकारवालाहरूका नाममा अन्तरिम आदेश जारी गरेको छ ।
शैक्षिक सत्र सुरु नहुँदै केही विद्यालयले विद्यार्थी भर्ना प्रक्रिया अगाडि बढाएको भन्दै दायर भएको रिट निवेदनमाथि सुनुवाई गर्दै सर्वोच्चले यो आदेश जारी गरेको हो ।
रिटमा शैक्षिक सत्र सुरु नभई कतिपय विद्यालयले प्रवेश परीक्षा सञ्चालन गर्ने र प्रतिस्पर्धा प्रक्रियाको नाममा सूचना जारी गरेको उल्लेख गरिएको थियो ।
सर्वोच्च अदालतको यो अन्तरिम आदेश ले शैक्षिक सत्र सुरु हुनुअघि नै विद्यार्थी भर्ना तथा प्रवेश परीक्षा सञ्चालन गर्ने प्रवृत्तिमा रोक लगाएको छ ।
यो आदेशसँगै अब विद्यालयहरूले शैक्षिक सत्र आधिकारिक रूपमा सुरु भएपछि मात्र विद्यार्थी भर्ना प्रक्रिया अघि बढाउनुपर्ने भएको छ ।
प्रकाशित मिति: २० चैत्र २०८२, शुक्रबार
प्रतिक्रिया