काठमाडौं। राष्ट्रिय स्वतन्त्र पार्टीका सांसद डोलप्रसाद अर्याल (डीपी अर्याल) प्रतिनिधि सभाको सभामुखमा निर्विरोध निर्वाचित भएका छन् ।
आइतबार प्रतिनिधि सभाको बैठकको अध्यक्षता गरिरहेका ज्येष्ठ सदस्य अर्जुननरसिंह केसीले डोलप्रसाद अर्याल सभामुखमा निर्वाचित भएको औपचारिक घोषणा गरेका हुन् ।
अर्यालको प्रस्ताव राष्ट्रिय स्वतन्त्र पार्टीका सभापति तथा सांसद रवि लामिछानेले गरेका थिए । उक्त प्रस्तावको समर्थन कानुन, न्याय तथा संसदीय मामिला मन्त्री सोबिता गौतम, अर्थमन्त्री डा. स्वर्णिम वाग्ले र भौतिक पूर्वाधार तथा यातायात मन्त्री सुनिल लम्सालले गरेका थिए ।
राष्ट्रिय स्वतन्त्र पार्टीका संस्थापक सदस्यसमेत रहेका डोलप्रसाद अर्याल काठमाडौं–९ बाट प्रत्यक्ष निर्वाचित सांसद हुन् । उनी पार्टीको उपसभापतिको जिम्मेवारीमा पनि थिए ।
सभामुखमा निर्विरोध निर्वाचित भए सँगै अर्याल अब प्रतिनिधि सभाको सभामुखको भूमिकामा रहनेछन् ।
प्रकाशित मिति: २२ चैत्र २०८२, आइतबार
प्रतिक्रिया