काठमाडौँ । राष्ट्रपति रामचन्द्र पौडेलले आज (शुक्रबार) संघीय संसद्को दुवै सदनको संयुक्त बैठकलाई सम्बोधन गर्ने भएका छन्।
नेपालको संविधानको धारा ९५ अनुसार उहाँले दिउँसो ३ बजे बस्ने संयुक्त बैठकलाई सम्बोधन गर्नुहुनेछ।
संविधानको धारा ९५(२) मा प्रतिनिधि सभाको निर्वाचनपछिको पहिलो अधिवेशन र प्रत्येक वर्षको पहिलो अधिवेशन प्रारम्भ भएपछि राष्ट्रपतिले संघीय संसद्को संयुक्त बैठकलाई सम्बोधन गर्ने व्यवस्था गरिएको छ।
संघीय संसद् सचिवालयले सम्बोधन हुने बैठकका लागि सदस्यहरूलाई दिउँसो २:४५ बजेसम्म उपस्थित भइसक्न सूचित गरिसकेको छ।
प्रकाशित मिति: २७ चैत्र २०८२, शुक्रबार
प्रतिक्रिया