काठमाडौं । कलाकार सागर लम्साल (बले) हाजिरी जमानीमा रिहा भएका छन्। उनलाई शुक्रबार रिहा गरिएको काठमाडौँ जिल्ला प्रहरी परिसरका एसपी पवनकुमार भट्टराईले जानकारी दिएका छन्।
लम्सालमाथि अमेरिकामा अध्ययनरत एक युवतीले बलात्कारको आरोप लगाएकी थिइन्। यद्यपि उक्त विषयमा औपचारिक उजुरी दर्ता नभए पनि उनीविरुद्ध अभद्र व्यवहारको कसुरमा प्रहरीले अनुसन्धान अघि बढाएको थियो।
उनी गत चैत २१ गते पक्राउ परेका थिए र पछि काठमाडौँ जिल्ला अदालत ले पाँच दिनसम्म हिरासतमा राखी अनुसन्धान गर्न अनुमति दिएको थियो।
प्रकाशित मिति: २७ चैत्र २०८२, शुक्रबार
प्रतिक्रिया