काठमाडौं । गृहमन्त्री सुधन गुरुङले गृहसचिव राजकुमार श्रेष्ठको कार्यशैलीको प्रशंसा गर्दै सामाजिक सञ्जालमा सकारात्मक टिप्पणी गरेका छन्।
शुक्रबार राति १०:०६ बजे गरिएको एक पोस्टमा मन्त्री गुरुङले आफूले मन्त्रालयको जिम्मेवारी सम्हालेयता सचिव श्रेष्ठले मन्त्रालयको मर्म र भावना अनुसार उत्कृष्ट कार्यसम्पादन गरिरहेको उल्लेख गरेका छन्।
उनका अनुसार सचिव श्रेष्ठले कुनै गुनासो नगरी अबेर रातिसम्म र ओभरटाइम समेत बसेर काम गर्ने गरेका छन्, जसका लागि उनले विशेष धन्यवाद व्यक्त गरेका छन्।
गृहमन्त्री गुरुङले कहिले कार्यालयमै बसेर काम गरिरहेको तस्बिर सार्वजनिक गर्ने र कहिले रातभर प्रहरी प्रधान कार्यालयमा बैठक गर्ने गरेको भन्दै सचिव श्रेष्ठको समर्पणको पनि प्रशंसा गरेका छन्।
प्रकाशित मिति: २८ चैत्र २०८२, शनिबार
प्रतिक्रिया