काठमाडौं । कैलालीमा जिप र मोटरसाइकल ठोक्किँदा एक जनाको मृत्यु भएको छ।
कैलारी गाउँपालिका–१ स्थित हुलाकी राजमार्गमा सुदूरपश्चिम प्रदेश ०१–००१ च ३७५३ नम्बरको बोलेरो पिकअप जिप र विपरीत दिशाबाट आइरहेको बा २६ प ३०२७ नम्बरको मोटरसाइकल एकआपसमा ठोक्किँदा मोटरसाइकल चालकको मृत्यु भएको हो।
दुर्घटनामा गम्भीर घाइते भएका धनगढी उपमहानगरपालिका–१९ फूलबारीका २२ वर्षीय राम मिलन चौधरीलाई उपचारका लागि निसर्ग अस्पताल, धनगढी लगिएको थियो। उपचारका क्रममा शनिबार बेलुका उनको मृत्यु भएको जिल्ला प्रहरी कार्यालय कैलालीले जनाएको छ।
जिप र जिप चालक भजनी नगरपालिका–५ का २३ वर्षीय राजु डगौरालाई प्रहरीले नियन्त्रणमा लिई आवश्यक अनुसन्धान गरिरहेको छ।
प्रकाशित मिति: २९ चैत्र २०८२, आइतबार
प्रतिक्रिया