वैतडी । बैतडीमा भएको ट्याक्टर दुर्घटनामा एक जनाको मृत्यु भएको छ। सिगास गाउँपालिका–८ बाट बझाङको देउलेखतर्फ जाँदै गरेको सुदूरपश्चिम प्रदेश ०१–००१ त १३८४ नम्बरको ट्याक्टर आइतबार बिहान करिब १० बजेतिर सानीगाड खोलामा दुर्घटनामा परेको हो।
दुर्घटनामा परी सिगास गाउँपालिका–८ लुपुणका २५ वर्षीय लोकेन्द्र बोहराको घटनास्थलमै मृत्यु भएको जिल्ला प्रहरी कार्यालय बैतडीका प्रवक्ता प्रहरी निरीक्षक सुरज सिंहले जानकारी दिएका छन्।
ट्याक्टरमा चालकसहित दुई जना मात्रै सवार रहेका थिए। दुर्घटनापछि चालक फरार रहेका छन् भने उनको पहिचान खुल्न सकेको छैन। ट्याक्टर सडकबाट करिब दुई सय मिटर तल खसेको बताइएको छ।
प्रकाशित मिति: ६ बैशाख २०८३, आइतबार
प्रतिक्रिया