काठमाडौं । पेट्रोलियम पदार्थको मूल्यवृद्धि फिर्ता गर्न माग गर्दै राष्ट्रिय जेनजी नागरिक अभियानले सोमबार काठमाडौंमा प्रदर्शन गरेको छ। बबरमहलस्थित नेपाल आयल निगम कार्यालय अगाडि धर्ना दिन पुगेका उनीहरूलाई प्रहरीले रोकेपछि उनीहरूले निगम नजिकै सडकमा प्रदर्शन गरेका हुन्।
अभियानले निगममै पुगेर ज्ञापनपत्र बुझाउने प्रयास गरेको थियो। तर समन्वय नभएको कारण देखाउँदै प्रहरीले उनीहरूलाई कार्यालय परिसरबाट हटाएको थियो। त्यसपछि बाहिर निकालिएका प्रदर्शनकारीहरूले ‘प्रहरी दमन मुर्दाबाद’ र ‘मूल्यवृद्धि फिर्ता गर’ लगायतका नारासहित विरोध जनाएका थिए।
प्रदर्शनमा सहभागीहरूले छिमेकी देशहरूमा पेट्रोलियम पदार्थको मूल्य स्थिर रहँदा नेपालमा भने अत्यधिक वृद्धि गरिएको भन्दै आपत्ति जनाएका छन्।
उनीहरूले माग पूरा नभएसम्म आन्दोलन जारी रहने चेतावनी समेत दिएका छन्।
प्रकाशित मिति: ७ बैशाख २०८३, सोमबार
प्रतिक्रिया