काठमाडौं । त्रिभुवन अन्तर्राष्ट्रिय विमानस्थल सञ्चालन समय पुनः समायोजन गरिएको छ। सोमबार (वैशाख ७)देखि जेठ ४ गतेसम्म विमानस्थल दैनिक थप १ घण्टा ४५ मिनेट बन्द रहने निर्णय गरिएको हो।
नेपाल नागरिक उड्डयन प्राधिकरणका अनुसार उक्त अवधिमा त्रिभुवन अन्तर्राष्ट्रिय विमानस्थल राति ११:४५ बजेदेखि बिहान ६:३० बजेसम्म बन्द रहनेछ। यसअघि भने राति १ बजेदेखि बिहान ६ बजेसम्म मात्रै बन्द गरिँदै आएको थियो।
प्राधिकरणका सूचना अधिकारी ज्ञानेन्द्र भुलका अनुसार करिब २७ दिनसम्म दैनिक ६ घण्टा ४५ मिनेट विमानस्थल बन्द रहनेछ। यो समय वृद्धि रनवे विस्तारसम्बन्धी निर्माण कार्यलाई तीव्रता दिनका लागि गरिएको हो।
विशेषगरी दक्षिणतर्फको ट्याक्सीवे र ह्याङ्गर क्षेत्रमा आवश्यक निर्माण कार्य सम्पन्न गर्न थप समय आवश्यक परेकाले बन्द अवधिमा वृद्धि गरिएको प्राधिकरणले जनाएको छ।
प्रकाशित मिति: ७ बैशाख २०८३, सोमबार
प्रतिक्रिया