काठमाडौं । राष्ट्रिय स्वतन्त्र पार्टीले विचौलिया दीपक भट्टसँग नाम जोडिएको विषयमा गृहमन्त्री सुधन गुरुङबारे कुनै निर्णय नगरेको स्पष्ट पारेको छ।
वनस्थलीस्थित पार्टी केन्द्रीय कार्यालयमा सोमबार बसेको केन्द्रीय समिति बैठकपछि प्रवक्ता मनिष झाले सो विषयमा औपचारिक छलफल नै नभएको जानकारी दिएका हुन्।
उनका अनुसार पार्टी सभापति रवि लामिछाने र वरिष्ठ नेता तथा प्रधानमन्त्री बालेन्द्र शाहले सरोकारसम्बन्धी पत्र पठाए पनि त्यो बैठकको एजेन्डामा समावेश नभएकाले कुनै निर्णय हुन नसकेको हो।
‘हरेक विषय बैठकमै निर्णय हुनुपर्छ भन्ने छैन। आजको बैठकको एजेन्डामै यो विषय थिएन, त्यसैले छलफल पनि भएन,’ प्रवक्ता झाले भने।
उनले तीन दिनअघि नै बैठकको एजेन्डा सदस्यहरूलाई पठाइसकिएको र कुनै पनि केन्द्रीय सदस्यले औपचारिक रूपमा यो विषय उठान नगरेको पनि स्पष्ट पारे।
प्रकाशित मिति: ७ बैशाख २०८३, सोमबार
प्रतिक्रिया