काठमाडाैं । जेनजी अभियन्ता रक्षा बमले प्रधानमन्त्री बालेन्द्र शाहद्वारा सुकुम्बासी बस्ती खाली गर्न सुरक्षा निकायलाई दिइएको निर्देशनप्रति तीव्र असन्तुष्टि व्यक्त गरेकी छन्।
प्रधानमन्त्री शाहले बुधबार सुरक्षा निकायका प्रमुखहरूलाई बोलाएर सुकुम्बासी बस्ती हटाउन निर्देशन दिएका थिए। सो निर्णयप्रति प्रतिक्रिया जनाउँदै बमले सामाजिक सञ्जालमार्फत उक्त कदमको आलोचना गरेकी हुन्।
उनले प्रधानमन्त्रीको यस्तो निर्देशनलाई ‘अपरिपक्व निर्णय’ मात्र नभई सुकुम्बासी नागरिकप्रति सम्पूर्ण राष्ट्रिय स्वतन्त्र पार्टी (रास्वपा) को ‘राजनीतिक बेइमानी’ को संकेतका रूपमा व्याख्या गरेकी छन्। बमले लेखेकी छन्, ‘बालेन, तपाईंको बुझाइ यही हो भने यो केवल अपरिपक्वता होइन, जनताप्रतिको स्पष्ट राजनीतिक बेइमानी हो।’
प्रकाशित मिति: १० बैशाख २०८३, बिहिबार
प्रतिक्रिया