काठमाडौं । सरकारले वैशाख १७ गतेका लागि तय गरिएको सङ्घीय संसद् अधिवेशन स्थगित गर्न राष्ट्रपतिको कार्यालयमा औपचारिक पत्र पठाएको छ।
यसअघि सरकारकै सिफारिसमा वैशाख ९ गते राष्ट्रपति रामचन्द्र पौडेलले उक्त मितिमा अधिवेशन आह्वान गरेका थिए। तर, त्यसको भोलिपल्ट वैशाख १० गते सरकारले अधिवेशन रोक्न अनुरोध गर्दै नयाँ पत्र पठाएको हो।
राष्ट्रपतिको सचिवालयका अनुसार उक्त पत्र अपराह्न करिब ४ बजे प्राप्त भएको थियो। तर, अधिवेशन कहिले पुनः आह्वान गर्ने भन्नेबारे पत्रमा कुनै मिति उल्लेख गरिएको छैन।
हालसम्म राष्ट्रपतिको कार्यालयले अधिवेशन स्थगनसम्बन्धी अन्तिम निर्णय गरिसकेको छैन। यस विषयमा आन्तरिक छलफल जारी रहेको सचिवालयले जनाएको छ।
प्रकाशित मिति: १० बैशाख २०८३, बिहिबार
प्रतिक्रिया