काठमाडौं । नेपाली कांग्रेसको संसदीय दलको नेता चयनका लागि आज तय गरिएको निर्वाचन स्थगित गरिएको छ।
निर्वाचन समितिका सदस्य मुना भुसालका अनुसार निर्वाचनको नयाँ मिति भने हालसम्म तय गरिएको छैन। दलको नेता सहमतिमार्फत चयन गर्ने प्रयासस्वरूप उपसभापति विश्वप्रकाश शर्माको नेतृत्वमा सात सदस्यीय समिति गठन गरिएको छ।
समितिमा पुष्पा भुसाल, प्रदीप पौडेल, गुरुराज घिमिरे, निर्वाचन समिति संयोजक प्रकाश भुसाल र सदस्य राजु कटुवाललगायत रहेका छन्।
यसैबीच, पुष्पा भुसाल कांग्रेसकी उपसभापति हुन् भने गुरुराज घिमिरे र प्रदीप पौडेल महामन्त्री तहका नेताहरू हुन्।
अब निर्वाचन कहिले हुने वा सहमतिमार्फत टुंगिने भन्ने विषयमा केही बेरमै समितिले औपचारिक विज्ञप्ति जारी गरी जानकारी दिने सदस्य भुसालले बताएकी छन्।
प्रकाशित मिति: ११ बैशाख २०८३, शुक्रबार
प्रतिक्रिया