काठमाडौं । काठमाडौँ उपत्यकाको जडिबुटी क्षेत्रमा अतिक्रमित भूमि खाली गराउने क्रममा झडपको स्थिति सिर्जना भएको छ। भक्तपुरतर्फको भागमा डोजर प्रयोग गरेर संरचना हटाउने प्रयास भइरहेका बेला स्थानीयले कडा विरोध जनाउँदै ढुंगामुढा प्रहार गरेका हुन्।
अतिक्रमित बस्ती हटाउन खटिएको सुरक्षाकर्मी तथा प्राविधिक टोलीलाई लक्षित गर्दै ढुंगा प्रहार भएपछि स्थिति तनावपूर्ण बनेको हो। प्रतिरोध बढेसँगै केही समययता भत्काउने कार्य पूर्ण रूपमा अवरुद्ध भएको छ।
चारैतिरबाट ढुंगामुढा हुन थालेपछि सशस्त्र प्रहरी बल (एपीएफ) ले आजका लागि अभियान स्थगित गरेको जनाएको छ। अवस्था थप बिग्रन नदिन टोली क्रमशः पछाडि हट्दै गएको छ।
प्रकाशित मिति: १२ बैशाख २०८३, शनिबार
प्रतिक्रिया