काठमाडौं । प्रधानमन्त्री बालेन्द्र शाहले मंगलबार अपराह्न ३ बजेका लागि मन्त्रिपरिषद् बैठक आह्वान गरेका छन्।
उक्त बैठकमा संघीय संसदको अधिवेशन आह्वानका लागि रामचन्द्र पौडेल समक्ष सिफारिस गर्ने विषयमा निर्णय हुने उच्च सम्भावना रहेको एक मन्त्रीले जानकारी दिएका छन्।
यसैबीच, राष्ट्रपति पौडेलले सरकारको सिफारिसमा यसअघि प्रस्तावित आठवटै अध्यादेश मंगलबारै जारी गरिसकेका छन्। संवैधानिक परिषद्सम्बन्धी अध्यादेशसहित सबै अध्यादेश लागू भएसँगै सरकार अब संसद अधिवेशन बोलाउने प्रक्रियालाई अघि बढाउने तयारीमा रहेको जनाइएको छ।
प्रकाशित मिति: २२ बैशाख २०८३, मंगलबार
प्रतिक्रिया