काठमाडौँ । ऊर्जा, जलस्रोत तथा सिँचाइमन्त्री विराजभक्त श्रेष्ठले मौसम पूर्वानुमान, बाढी पूर्वानुमान तथा जलवायु विश्लेषणसम्बन्धी सेवाहरूलाई अझ सुधार र स्तरोन्नति गरिने बताएका छन्।
आज उनले जल तथा मौसम विज्ञान विभागको स्थलगत अनुगमन गर्दै विभागको वर्तमान अवस्था र कार्यप्रणालीबारे अवलोकन गरेका थिए। सो अवसरमा विभागकी महानिर्देशक डा. अर्चना श्रेष्ठले मन्त्रालयलाई विभागले गर्दै आएका काम र उपलब्धिबारे जानकारी गराएकी थिइन्।
मन्त्री श्रेष्ठले हालको पूर्वानुमान प्रणाली प्रभावकारी रहेको उल्लेख गर्दै त्यसलाई अझ सुदृढ र विश्वसनीय बनाउन आवश्यक पहल गरिनेमा जोड दिएका छन्।
प्रकाशित मिति: २३ बैशाख २०८३, बुधबार
प्रतिक्रिया