काठमाडौं । दरबारमार्गबाट गैडाको खागसहित तीन जना पक्राउ परेका छन्।
बुधबार दरबारमार्गको एक होटलमा बसी गैडाको खाग कारबार भइरहेको सूचनाका आधारमा प्रहरीले तीन जनालाई पक्राउ गरेको हो।
पक्राउ पर्नेमा काठमाडौँ २४ न्यूरोड बस्ने ५० वर्षीय संजयमान सिंह श्रेष्ठ, तनहुँको ऋषिङ गाउँपालिका १ घर भई काठमाडौँको बाँसबारी बस्ने ४५ वर्षीय रामहरि गरी र पाल्पाको माथागढी गाउँपालिका १ का ६० वर्षीय रामेश्वर पन्थी रहेका छन्।
उनीहरूलाई पक्राउ गरी डिभिजन वन कार्यालय काठमाडौँमा पठाइएको नेपाल प्रहरीले सामाजिक सञ्जालमार्फत जानकारी दिएको छ।
प्रकाशित मिति: २३ बैशाख २०८३, बुधबार
प्रतिक्रिया