काठमाडौं। संवैधानिक परिषद्ले चौथो वरीयताका न्यायाधीश मनोजकुमार शर्मालाई प्रधानन्यायाधीशमा सिफारिस गरेको विषयविरुद्ध सर्वोच्चमा रिट दर्ता भएको छ ।
वरिष्ठ अधिवक्ता दिनेश त्रिपाठीले वरीयता मिचेर गरिएको सिफारिस संविधानको आधारभूत मर्मविपरीत रहेको जिकिर गर्दै सर्वोच्चमा रिट दायर गरेका हुन् ।
रिटमा प्रधानन्यायाधीश नियुक्तिसम्बन्धी स्थापित परम्परा र न्यायपालिकाको स्वतन्त्रतामाथि गम्भीर हस्तक्षेप भएको दाबी गरिएको छ ।
त्रिपाठीले न्यायपालिकालाई कार्यपालिकाको प्रभावमा ल्याउने प्रयास भएको उल्लेख गर्दै उक्त सिफारिस बदर गर्न र पहिलो वरीयतामा रहेकालाई प्रधानन्यायाधीशमा सिफारिस गर्न परमादेश जारी गर्न माग गरेका छन् ।
प्रकाशित मिति: २५ बैशाख २०८३, शुक्रबार
प्रतिक्रिया