काठमाडौं । संघीय संसद् सचिवालयले कर्मचारी ट्रेड युनियन अब कानुनी रूपमा अस्तित्वमा नरहेको स्पष्ट पारेको छ।
सचिवालयका कर्मचारी प्रशासन शाखाका शाखा अधिकृत विमल परियारले जारी गरेको सूचनामा हालै संशोधित कानुनअनुसार ट्रेड युनियन सम्बन्धी व्यवस्था खारेज भइसकेको जानकारी दिइएको हो।
सूचनामा उल्लेख छ कि “केही नेपाल ऐन संशोधन गर्ने अध्यादेश २०८३ (अध्यादेश नं. ७) मार्फत संघीय संसद् सचिवालयसम्बन्धी ऐन २०६४ को दफा ७३ संशोधन भएसँगै कर्मचारी युनियनसम्बन्धी व्यवस्था हटाइएको छ।”
उक्त संशोधनपछि पहिले अस्तित्वमा रहेको कर्मचारी युनियन अब औपचारिक रूपमा नरहेको सचिवालयले स्पष्ट पारेको छ।
प्रकाशित मिति: २५ बैशाख २०८३, शुक्रबार
प्रतिक्रिया