काठमाडौं। सरकारले सूचना प्रविधि क्षेत्रलाई राष्ट्रिय रणनीतिक उद्योग घोषणा गर्दै सफ्टवेयर र डिजिटल सेवा प्रवर्द्धनलाई प्राथमिकतामा राख्ने नीति लिएको छ।
संघीय संसद्को संयुक्त बैठकमा आर्थिक वर्ष २०८३/०८४ को नीति तथा कार्यक्रम प्रस्तुत गर्दै राष्ट्रपति रामचन्द्र पौडेल ले साइबर सुरक्षा, हरित कम्प्युटिङ र एआई कम्प्युटेसन निर्यातलाई प्रोत्साहन गरिने जानकारी दिए।
सरकारले उच्च क्षमतायुक्त डेटा सेन्टर, डिजिटल पार्क तथा सार्वजनिक डिजिटल पूर्वाधार विकासमार्फत नेपाललाई ‘टेक हब’का रूपमा विकास गर्ने लक्ष्य अघि सारेको छ।
यस्तै, सूचना प्रविधि निर्यात उद्योगलाई वित्तीय सहुलियत, लगानी सहजीकरण, सरकारी सहलगानी तथा नवप्रवर्तन खर्चमा कर प्रोत्साहन उपलब्ध गराइने नीति तथा कार्यक्रममा उल्लेख गरिएको छ।
प्रकाशित मिति: २८ बैशाख २०८३, सोमबार
प्रतिक्रिया