काठमाडौं । राष्ट्रिय स्वतन्त्र पार्टी (रास्वपा) का सांसद गणेश पराजुलीले प्रतिनिधिसभामा प्रयोग गरेका केही शब्दहरू संसदीय अभिलेखबाट हटाइएका छन् ।
सभामुख डोलप्रसाद अर्यालले गत वैशाख २९ गतेको बैठकमा पराजुलीले बोलेका आपत्तिजनक अभिव्यक्तिहरू अभिलेखबाट हटाउन सचिवालयलाई निर्देशन दिएको जानकारी दिएका हुन् ।
सभामुखका अनुसार, पराजुलीले प्रयोग गरेका ‘भरौटेहरू’ तथा ‘यहाँ लुगा लगाएर पनि नांगै हिँडेजस्तो’ भन्ने शब्दहरू संसदीय मर्यादाविपरीत ठहर गर्दै रेकर्डबाट हटाइएको हो ।
उक्त अभिव्यक्ति हटाउन नेकपा एमालेका सांसद ऐन महरले अघिल्लो दिन बसेको बैठकमा माग गरेका थिए । त्यसैको आधारमा सभामुखले आवश्यक निर्णय लिएको बताएका छन् ।
प्रकाशित मिति: ३१ बैशाख २०८३, बिहिबार
प्रतिक्रिया