काठमाडौं। चन्द्रागिरि नगरपालिका–३ थानकोटमा घरायसी विवादका क्रममा एक व्यक्तिको मृत्यु भएको छ।
महोत्तरीका समी अहमद र जाकिर मन्सुरीबीच भएको विवादपछि घटना भएको प्रहरीले जनाएको छ।
प्रहरीका अनुसार भिनाजु समीले सालो मन्सुरीसँग राति घरायसी विषयमा विवाद चर्किएपछि चक्कु प्रहार गरेका थिए। सोही प्रहारबाट मन्सुरीको मृत्यु भएको हो।
जिल्ला प्रहरी परिसरका प्रहरी उपरीक्षक पवनकुमार भट्टराईका अनुसार घटनापछि अभियुक्त समीलाई नियन्त्रणमा लिइएको छ।
मृतक मन्सुरीको शव परीक्षणका लागि त्रिभुवन विश्वविद्यालय शिक्षण अस्पताल पठाइएको प्रहरीले जनाएको छ।
प्रकाशित मिति: ३ जेष्ठ २०८३, आइतबार
प्रतिक्रिया