काठमाडौं। प्रतिनिधिसभाको बुधबारको बैठकमा श्रम संस्कृति पार्टीले पुनः विरोध जनाएको छ ।
पार्टीका सांसदहरूले पर्चा बोकेर सदनमा विरोध प्रदर्शन गरेका हुन् ।
बैठक सुरु हुनासाथ श्रम संस्कृति पार्टीका अध्यक्ष हर्क साम्पाङसहित पार्टीका सबै सांसदहरू आ–आफ्नो स्थानबाट उठेर विरोधमा उत्रिएका थिए ।
सांसदहरूले हातमा पर्चा लिएर सरकारको ध्यानाकर्षण गराउने प्रयास गरेका थिए ।
श्रम संस्कृति पार्टीले पछिल्ला केही दिनयता प्रतिनिधिसभामा निरन्तर विरोध जनाउँदै आएको छ ।
पार्टीले विभिन्न समसामयिक विषय उठाउँदै सरकारप्रति असन्तुष्टि व्यक्त गरिरहेको छ ।
प्रकाशित मिति: ६ जेष्ठ २०८३, बुधबार
प्रतिक्रिया