काठमाडौं । नेपाली कांग्रेसले पार्टीको केन्द्रीय लेखा समितिमा तीन जना विषय विज्ञहरूलाई मनोनयन गरेको छ।
कांग्रेस सभापति गगनकुमार थापाले पार्टीको विधान, २०१७ (संशोधन सहित) को धारा ३८ को उपधारा (१) बमोजिम रिक्त सदस्य पदहरूमा मनोनयन गरेका हुन्। पार्टीका केन्द्रीय सदस्य भरतकुमार शाहको संयोजकत्वमा रहेको केन्द्रीय लेखा समितिमा नयाँ सदस्यहरू थपिएका हुन्।
मनोनयन हुने सदस्यहरूमा धनुषाका दिलिप ढुंगाना, भक्तपुरका रमेश नेपाल र गुल्मीका पदम भट्टराई रहेका छन्। मनोनित गरिएका तीनै जना सम्बन्धित क्षेत्रका विषय विज्ञ हुन्।
पार्टीको आर्थिक पारदर्शिता र लेखा प्रणालीलाई थप व्यवस्थित बनाउन विषय विज्ञहरूलाई समितिमा समेटिएको कांग्रेसले जनाएको छ।
प्रकाशित मिति: ७ जेष्ठ २०८३, बिहिबार
प्रतिक्रिया