काठमाडौं। नेकपा एमालेको सचिवालय बैठकमा अध्यक्ष केपी शर्मा ओलीले आफ्ना कुरा भोलि बोल्ने बताएका छन् ।
पार्टीका पदाधिकारीहरूबाट एकपछि अर्को गर्दै राजीनामा माग्न थालेपछि ओलीले बैठकमा बोल्दै पार्टीविरुद्ध चौतर्फी आक्रमण भइरहेको र विरोधीहरूसँग मिलेर पार्टी सक्न खोजिएको आरोप लगाए ।
उनले आफ्ना कुराहरू भोलि सम्बोधन गर्ने बताएका हुन् ।
एक नेताका अनुसार ओलीले बैठकमा बीचबीचमा बोल्दै “तपाईंहरूको कुरा सुनिरहेको छु, भोलि म बोल्छु” भनेका थिए ।
हिजोदेखि चलिरहेको सचिवालय बैठकमा बहुमत पदाधिकारीहरूले ओलीलाई मार्गप्रशस्त गर्न सुझाव दिएका थिए । हिजोको बैठकमा चर्काचर्कीसमेत भएको थियो ।
नेताहरूको कार्यविभाजन प्रस्तावको मूल एजेण्डासहित बोलाइएको बैठक अहिले पार्टी पुनर्गठन र नेतृत्व हस्तान्तरणको विषयमा केन्द्रित भएको छ ।
प्रकाशित मिति: ९ जेष्ठ २०८३, शनिबार
प्रतिक्रिया