काठमाडौं। नेकपा एमालेका प्रमुख सचेतक ऐन महरले सत्तारुढ दल राष्ट्रिय स्वतन्त्र पार्टी (रास्वपा) ले संविधानको चीरहरण गरेर बालेनतन्त्र स्थापना गर्न खोजेको हो भनी प्रश्न गरेका छन् ।
मंगलबार बसेको प्रतिनिधिसभा बैठकमा बोल्दै सांसद महरले प्रधानमन्त्री बालेन्द्र शाहले सदनमा उपस्थित भएर सांसदहरूका प्रश्नको जवाफ दिनुपर्ने माग गरे ।
विपक्षी दलहरूले प्रधानमन्त्रीको अनुपस्थितिमा अवरोध गरेपछि सभामुखले बोल्न दिएको समयमा महरले यस्तो प्रश्न उठाएका हुन् ।
“संविधानको चीरहरण गरेर बालेनतन्त्र स्थापना गर्न खोजिएको हो ?” भन्दै महरले आक्रोश व्यक्त गरे । उनले सदनको कारबाही अघि नबढाउन माग पनि गरे ।
प्रधानमन्त्री शाहले हालका बैठकहरूमा निरन्तर अनुपस्थित रहँदै आएका छन् र कानुनमन्त्री सोविता गौतमलाई आफ्नो प्रतिनिधिका रूपमा तोक्दै आएका छन् ।
एमालेले यसलाई संवैधानिक अभ्यासविपरीत भएको बताउँदै आएको छ ।
प्रकाशित मिति: १२ जेष्ठ २०८३, मंगलबार
प्रतिक्रिया