काठमाडौं । एलजी इलेक्ट्रोनिक्स ले सीजी इलेक्ट्रोनिक्स सँगको सहकार्यमा नेपाली बजारमा नयाँ ‘डुअलकुल इन्भर्टर’ रेसिडेन्सियल एयर कन्डिसनर (RAC) श्रृंखला सार्वजनिक गरेको छ। होटल भिभान्ता काठमाडौंमा आयोजित विशेष कार्यक्रममा नयाँ एयर कन्डिसनर श्रृंखलाको औपचारिक अनावरण गरिएको हो।
कम्पनीका अनुसार नयाँ ‘डुअलकुल’ एयर कन्डिसनर नेपाली घरपरिवारको आवश्यकता, ऊर्जा दक्षता र बढ्दो विद्युत् खर्चलाई ध्यानमा राखेर विकास गरिएको हो। यसमा समावेश गरिएको ‘किलोवाट म्यानेजर’ प्रविधिले प्रयोगकर्तालाई विद्युत् खपत नियन्त्रण गर्न र विद्युत् बिल व्यवस्थापन सहज बनाउन सहयोग गर्ने बताइएको छ।
कार्यक्रममा चौधरी ग्रुपका प्रबन्ध निर्देशक निरवान चौधरी ले उत्पादनको औपचारिक अनावरण गरेका थिए। कम्पनीले यो प्रविधिलाई नेपालमा स्मार्ट तथा ऊर्जा-दक्ष घरेलु उपकरणको क्षेत्रमा महत्वपूर्ण उपलब्धिका रूपमा प्रस्तुत गरेको छ।
एलजीका अनुसार नयाँ एयर कन्डिसनरमा रहेको ‘किलोवाट म्यानेजर’ मुख्य आकर्षणका रूपमा रहेको छ। उक्त सुविधामार्फत प्रयोगकर्ताले आफूले चाहेको विद्युत् खपत सीमा निर्धारण गर्न सक्ने, सञ्चालन समय सेट गर्न सक्ने तथा वास्तविक समयमै विद्युत् उपयोगको अनुगमन गर्न सक्नेछन्। एलजी थिनक्यू कनेक्टिभिटीमार्फत अत्यधिक विद्युत् खपत भएमा सूचना प्राप्त गर्ने सुविधा समेत उपलब्ध रहेको कम्पनीले जनाएको छ।
कम्पनीका अनुसार प्रणालीले प्रयोगकर्ताको प्राथमिकता तथा प्रयोग शैलीअनुसार स्वचालित रूपमा ऊर्जा बचत मोड सक्रिय गरी एयर कन्डिसनरको कार्यक्षमता समायोजन गर्छ। यसले पूर्वनिर्धारित विद्युत् उपयोग सीमाभित्र रहेर आरामदायी शीतलता प्रदान गर्ने दाबी गरिएको छ।
नयाँ डुअलकुल एयर कन्डिसनरमा डुअल इन्भर्टर कम्प्रेसर जडान गरिएको छ, जसले ७० प्रतिशतसम्म ऊर्जा बचत तथा ४० प्रतिशत छिटो शीतलन प्रदान गर्ने कम्पनीको दाबी छ। साथै ‘फ्रिज क्लिन’ प्रविधिले एयर कन्डिसनरको इभापोरेटरमा जम्मा हुने धुलो तथा ब्याक्टेरिया हटाएर स्वच्छ हावा प्रवाह सुनिश्चित गर्ने बताइएको छ।
एलजीका अनुसार ‘फ्रिज क्लिन’ प्रणालीले इभापोरेटर वरिपरि बरफको तह निर्माण गरी त्यसमा रहेका अशुद्धिहरूलाई पग्लने क्रममा ड्रेनेजमार्फत बाहिर निकाल्छ। परीक्षणका क्रममा यसले अवशिष्ट ब्याक्टेरियामध्ये ९९ प्रतिशतसम्म हटाउन सक्षम रहेको कम्पनीको भनाइ छ।
नेपालको मौसम र विद्युत् अवस्थालाई ध्यानमा राखेर उत्पादनमा विशेष सुविधाहरू पनि समावेश गरिएको जनाइएको छ। एयर कन्डिसनरमा ‘गोल्ड फिन’ एन्टि–कोरोसन कोटिङ, १०० प्रतिशत कपर ट्युब तथा स्टेबलाइजर–फ्री सञ्चालन सुविधा समावेश गरिएको छ। यी सुविधाले भोल्टेज उतारचढावका बीच पनि उपकरणलाई भरपर्दो रूपमा सञ्चालन गर्न सहयोग गर्ने कम्पनीको दाबी छ।
कार्यक्रममा बोल्दै सीजी इलेक्ट्रोनिक्सका मार्केटिङ विभागका महाप्रबन्धक गौरव हमाल ले ऊर्जा दक्षता अहिले नेपाली घरपरिवारको प्राथमिकता बन्दै गएको बताए। उनले नयाँ ‘किलोवाट म्यानेजर’ प्रविधिले उपभोक्तालाई विद्युत् खपत तथा घरेलु खर्चमा प्रभावकारी नियन्त्रण प्रदान गर्ने विश्वास व्यक्त गरे।
एलजी इलेक्ट्रोनिक्स विश्वस्तरीय घरेलु उपकरण, उपभोक्ता इलेक्ट्रोनिक्स तथा एयर समाधान प्रदायक कम्पनीका रूपमा परिचित छ। कम्पनीका उत्पादनहरूमा टेलिभिजन, रेफ्रिजेरेटर, वासिङ मेसिन, एयर कन्डिसनर तथा अन्य स्मार्ट घरेलु उपकरणहरू समावेश छन्।
त्यस्तै, सीजी इलेक्ट्रोनिक्स नेपालमा एलजी उत्पादनहरूको आधिकारिक वितरक कम्पनी हो। चार दशकभन्दा लामो साझेदारीमार्फत एलजी नेपाली बजारमा प्रिमियम उपभोक्ता इलेक्ट्रोनिक्स ब्रान्डका रूपमा स्थापित रहँदै आएको कम्पनीले जनाएको छ।
प्रकाशित मिति: १२ जेष्ठ २०८३, मंगलबार
प्रतिक्रिया