काठमाडौं । हर्क साम्पाङ ले प्रधानमन्त्री सदनमा उपस्थित नभएसम्म संसद् बैठक बहिष्कार गरिरहने बताएका छन् ।
बुधबार प्रतिनिधिसभा बैठक छाडेर बाहिरिने क्रममा सञ्चारकर्मीसँग कुरा गर्दै उनले सभामुखसँग प्रधानमन्त्रीलाई सदनमा बोलाउन आग्रह गरे पनि माग पूरा नभएको बताए ।
“सभामुखले रुलिङ पनि गर्नुहुन्न, निस्केर जा पनि भन्नुहुन्न । म आफैँ निस्किएँ,” उनले भने ।
प्रधानमन्त्री बन्नका लागि क्षमता र योग्यता आवश्यक हुने भन्दै हर्क साम्पाङ ले प्रधानमन्त्रीले सदनमा आएर जवाफ दिनुपर्ने बताए । “प्रधानमन्त्री आएर बोल्नुस् त भनेको हो । बोल्न पनि पर्छ । यति क्षमता, योग्यता हुनुपर्छ क्या प्रधानमन्त्री बन्नका लागि,” उनले भने ।
यसअघि बैठकमै उनले सभामुखसँग प्रधानमन्त्रीलाई सदनमा उपस्थित गराउन रुलिङ गर्न माग गरेका थिए । तर सभामुखले रुलिङ नगरेपछि उनी झोला बोकेर बैठकबाट बाहिरिएका थिए ।
प्रकाशित मिति: १३ जेष्ठ २०८३, बुधबार
प्रतिक्रिया