काठमाडौं । सरकारले पूर्व–पश्चिम राजमार्गलाई चार लेनमा विस्तार गर्ने योजना अघि बढाएको छ ।
शुक्रबार संघीय संसद्को संयुक्त बैठकमा आगामी आर्थिक वर्ष २०८३/८४ को बजेट प्रस्तुत गर्दै अर्थमन्त्री डा. स्वर्णिम वाग्लेले पूर्व–पश्चिम राजमार्ग स्तरोन्नतिका लागि आवश्यक बजेट विनियोजन गरिएको जानकारी दिएका हुन् ।
उनका अनुसार आगामी आर्थिक वर्षभित्र राजमार्गलाई चरणबद्ध रूपमा चार लेनमा विस्तार गर्ने कार्य अघि बढाइनेछ । सरकारले सडक पूर्वाधार सुधारमार्फत यातायातलाई सुरक्षित, व्यवस्थित र सहज बनाउने लक्ष्य राखेको जनाएको छ ।
अर्थमन्त्री वाग्लेले चालु आर्थिक वर्षमै देशभर ४० वटा ठूला पुल निर्माण गर्ने योजना पनि सार्वजनिक गरेका छन् । पूर्वाधार विकासलाई तीव्रता दिँदै सडक सञ्जाललाई थप प्रभावकारी बनाउने सरकारको तयारी रहेको उनले बताए ।
प्रकाशित मिति: १५ जेष्ठ २०८३, शुक्रबार
प्रतिक्रिया