काठमाडौं । पर्वतमा जिप दुर्घटना हुँदा वडासदस्यको मृत्यु, दुई जना घाइते
पर्वतको कुश्मा नगरपालिका–१४ आर्थरडाँडाखर्कमा गएराति जिप दुर्घटना हुँदा एक वडासदस्यको मृत्यु भएको छ भने दुई जना घाइते भएका छन्।
जिल्ला प्रहरी कार्यालय पर्वतका सूचना अधिकारी प्रहरी निरीक्षक दिनेश पौडेलका अनुसार वडा कार्यालयबाट चरीपानीतर्फ जाँदै गरेको ग१ज ५८६५ नम्बरको जिप अँधेरीनेटा क्षेत्रमा सडकबाट करिब ५०० मिटर तल खसेको थियो।
दुर्घटनामा वडा सदस्य ५२ वर्षीय केशवराज पौडेल गम्भीर घाइते भएका थिए। उपचारका लागि पोखरा लगिए पनि चिकित्सकले उनलाई मृत घोषणा गरेका थिए।
जिप चालक २७ वर्षीय बुद्धिसागर पौडेल र ४६ वर्षीय राजेन्द्र पौडेल घाइते भएका छन्। उनीहरूको पोखरास्थित मणिपाल शिक्षण अस्पतालमा उपचार भइरहेको प्रहरीले जनाएको छ।
दुर्घटनाको कारणबारे थप अनुसन्धान भइरहेको प्रहरीले जनाएको छ।
प्रकाशित मिति: १९ जेष्ठ २०८३, मंगलबार
प्रतिक्रिया