काठमाडौँ । टिकटकर तुलसा अधिकारी भनेर चिनिने तुलसी अधिकारीको थुनछेक बहस हेर्दाहेर्दैमा राखेर भोलि सुनुवाइ हुने भएको छ। अधिकारीको बयानपछि भएको थुनछेक बहस आज नसकिएपछि हेर्दाहेर्दैमा बिहीबारका लागि सुनुवाइमा राखिएको छ।
तुलसा अधिकारी विरुद्धको मुद्दा ललितपुर जिल्ला अदालतका न्यायाधीश टेकनाथ गौतमको इजलासमा सुनुवाइ भइरहेको छ। आज बहस नसकिएपछि भोलि सरकारी वकिलको तर्फबाट जवाफी बहस हुने र प्रतिवादी अधिकारीको कानुन व्यवसायीले बहस गरेसँगै बहस पूरा हुने जिल्ला सरकारी वकिल कार्यालय ललितपुरका सहायक जिल्ला न्यायाधिवक्ता भरतकुमार मैनालीले जानकारी दिए।
एक जना व्यवसायीको जाहेरीका आधारमा जिल्ला सरकारी वकिल कार्यालय ललितपुरले उनी विरूद्ध २०८२ चैतमा ६ करोड ५२ लाख २९ हजार बिगो कायम गरी मुद्दा दायर गरेको छ । यो मुद्दामा अधिकारीसहित १० जना प्रतिवादी छन्।
प्रकाशित मिति: २० जेष्ठ २०८३, बुधबार
प्रतिक्रिया