काठमाडौं। डोटीको शिखर नगरपालिका–१ घर भएका १६ वर्षीय रबिन्द्र शाही १५ दिनदेखि सम्पर्कविहीन भएका छन् ।
परिवारका अनुसार रबिन्द्रले एसईई परीक्षा दिएपछि रोजगारीका लागि काठमाडौं आएका थिए ।
उनी अनामनगरस्थित सिलौटो रेस्टुरेन्टमा काम गर्दै आएका थिए ।
तर, २०८३ साल जेठ ५ गतेदेखि उनी परिवार तथा आफन्तको सम्पर्कमा नरहेको बताइएको छ ।
रबिन्द्रको उचाइ करिब ५ फिट रहेको र वर्ण गहुँगोरो रहेको परिवारले जनाएको छ ।
परिवार तथा प्रहरीलाई दिएको जानकारीअनुसार उनको मोबाइल फोनको अन्तिम लोकेसन सिंहदरबार क्षेत्र देखिएको थियो ।
त्यसयता उनको अवस्थाबारे कुनै जानकारी प्राप्त हुन सकेको छैन ।
परिवारले उनको खोजी कार्यका लागि प्रहरीसमक्ष निवेदन दिइसकेको जनाएको छ ।
आफन्तजनले रबिन्द्रलाई कतै देख्नुभएमा वा उनको बारेमा कुनै जानकारी भएमा नजिकको प्रहरी कार्यालय वा परिवारलाई तत्काल जानकारी गराइदिन आग्रह गरेका छन् ।
रबिन्द्रको खोजी कार्य जारी रहे पनि हालसम्म उनको अवस्था र ठेगाना खुल्न नसकेको परिवारले जनाएको छ ।
प्रकाशित मिति: २१ जेष्ठ २०८३, बिहिबार
प्रतिक्रिया