काठमाडौं। नेपाली क्रिकेट टोलीका ओपनिङ ब्याटर कुशल भुर्तेल ले टी-२०आई खेलमा लगातार दोस्रो शतक प्रहार गरेका छन् ।
बिहीबार भइरहेको एसियन गेम्स छनोटअन्तर्गत मलेसियासँगको खेलमा भुर्तेलले मात्र ४४ बलमा शतक पूरा गरेका हुन् ।
यो उनको करियरको तेस्रो शतक हो ।
भुर्तेलले यसअघि चीनसँगको खेलमा पनि शतक प्रहार गरेका थिए ।
उक्त खेलमा उनले ३५ बलमा शतक बनाएका थिए र ४३ बलमा १२९ रन बनाएर आउट भएका थिए ।
कुशल भुर्तेल टी-२०आईमा लगातार दुई शतक बनाउने पहिलो नेपाली खेलाडी बनेका छन् ।
यसैगरी विश्वकै १०औं खेलाडीको रूपमा पनि उनी यो उपलब्धि हासिल गर्ने सूचीमा उभिएका छन् ।
यो प्रदर्शनले नेपाली क्रिकेटको लागि सकारात्मक संकेत दिएको छ ।
भुर्तेलको लगातार उत्कृष्ट ब्याटिङले टोलीको आत्मविश्वास बढाएको छ ।
प्रकाशित मिति: २१ जेष्ठ २०८३, बिहिबार
प्रतिक्रिया