काठमाडौं। सरकारले देशमा विकराल बन्दै गएको मानसिक स्वास्थ्य समस्या लाई सम्बोधन गर्न मानसिक स्वास्थ्य नीति बनाउने भएको छ ।
स्वास्थ्य तथा खाद्य स्वच्छता मन्त्रालयका सचिव डा. विकास देवकोटाले सर्वोच्च अदालतको आदेशपछि मानसिक स्वास्थ्य नीति निर्माणको तयारी भइरहेको बताए ।
उनले अब रणनीति मात्र नभई नीति नै बनाएर अघि बढ्ने र अस्पताल सुधार कार्यविधि कार्यान्वयनमा जोड दिने बताए ।
डा. देवकोटाले भने, “सम्मानित सर्वोच्च अदालतले समेत आदेश दिइसकेको छ ।
अहिले हाम्रो देशमा मानसिक स्वास्थ्य समस्या विकराल बन्दै गइरहेको छ । अब रणनीति मात्रै होइन नीतिनै बनाएर अघि बढ्छौं ।”
सचिव डा. देवकोटाले सुशासन सरकारको प्राथमिकतामा रहेको भन्दै अस्पताल सुधार कार्यविधिलाई कार्यान्वयन गरिएको बताए ।
प्रकाशित मिति: २४ जेष्ठ २०८३, आइतबार
प्रतिक्रिया