काठमाडौं । प्रतिपक्षी दलको निरन्तर अवरोधका बीच संघीय संसदअन्तर्गत प्रतिनिधिसभाको बैठक आज बस्दै छ। संसद सचिवालयका अनुसार बैठक बिहान ११ बजेका लागि तय गरिएको छ।
बैठकमा आगामी आर्थिक वर्ष २०८३/८४ को बजेटमाथिको छलफललाई निरन्तरता दिने तथा विभिन्न महत्त्वपूर्ण विधेयक प्रस्तुत गर्ने कार्यसूची रहेको छ। प्रतिपक्षी सांसदहरूले प्रधानमन्त्रीको अभिव्यक्तिलाई लिएर लगातार संसद अवरुद्ध गर्दै आएकाले आजको बैठक सहज रूपमा सञ्चालन हुने वा नहुने अन्योल कायम छ।
आजको सम्भावित कार्यसूचीअनुसार राजस्व र व्ययको वार्षिक अनुमानमाथि सामान्य छलफल प्रारम्भ गरिनेछ भने अर्थमन्त्री डा. स्वर्णिम वाग्लेले विनियोजन विधेयकलगायत विभिन्न विधेयक संसदमा प्रस्तुत गर्नेछन्। साथै, पर्यटन तथा श्रमसम्बन्धी महत्त्वपूर्ण प्रस्तावहरू पनि सदनमा पेश हुनेछन्।
प्रकाशित मिति: २५ जेष्ठ २०८३, सोमबार
प्रतिक्रिया