काठमाडौं । सङ्घीय संसद्मा देखिएको गतिरोध अन्त्य गर्ने उद्देश्यले राष्ट्रिय स्वतन्त्र पार्टीका सभापति रवि लामिछानेले विपक्षी दलका शीर्ष नेताहरूसँग छलफल गरेका छन्।
सिंहदरबारस्थित संसद् भवनमा भएको छलफलमा प्रमुख प्रतिपक्षी दल नेपाली कांग्रेसका संसदीय दलका नेता भीष्मराज आङ्देम्बे, नेकपा माओवादी केन्द्रका नेता वर्षमान पुन तथा राष्ट्रिय प्रजातन्त्र पार्टीकी प्रमुख सचेतक खुश्बु ओलीलगायत सहभागी थिए।
विपक्षी दलहरू नेपाली कांग्रेस संसदीय दलको बैठकमा छलफलमा रहेका बेला सभापति लामिछानेले संसद् अवरोधको विषयमा सहमति खोज्ने उद्देश्यले उनीहरूलाई वार्तामा बोलाएका थिए।
प्रधानमन्त्री बालेन्द्र शाहले प्रतिनिधिसभा बैठकमा नेपाल–भारत सीमा सम्बन्धी दिएको अभिव्यक्तिपछि विपक्षी दलहरूले संसद् अवरुद्ध गर्दै आएका छन्।
प्रकाशित मिति: २७ जेष्ठ २०८३, बुधबार
प्रतिक्रिया