काठमाडौं । कञ्चनपुरको भीमदत्त नगरपालिकाले अत्यधिक गर्मीका कारण सामुदायिक तथा संस्थागत विद्यालयहरूमा १२ दिन बिदा दिने निर्णय गरेको छ।
नगरपालिकाका प्रमुख प्रशासकीय अधिकृत महेशबहादुर बमका अनुसार असार ८ देखि १९ गतेसम्म लागू हुने गरी गर्मी र वर्षे बिदा एकमुष्ट मिलाएर विद्यालय बन्द गरिनेछ। यो बिदा विद्यालयको वार्षिक बिदाबाट कट्टा गरिनेछ।
पछिल्ला दिनमा बढ्दो गर्मीले विद्यार्थीलाई आवतजावतमा समस्या भएपछि स्वास्थ्य र सुरक्षालाई ध्यानमा राख्दै यो निर्णय गरिएको नगरपालिकाले जनाएको छ। मौसम सामान्य भएपछि विद्यालयहरू पूर्वनिर्धारित तालिकाअनुसार सञ्चालन हुनेछन्।
प्रकाशित मिति: ५ असार २०८३, शुक्रबार
प्रतिक्रिया